Құрама сапына 10 боксшы енді. Олардың қатарында жастар арасындағы Азия чемпиондары Бибарыс Әшірбай мен Владислав Саможонов та бар.

Қазақстан құрамасының әлем чемпионатына қатысатын боксшылары:

50 келіге дейін: Әділ Асканбай

55 келіге дейін: Айдос Үсенов

60 келіге дейін: Данияр Ақбисенов

65 келіге дейін: Ақжүрек Қалабай

70 келіге дейін: Бибарыс Аширбай

75 келіге дейін: Әмір Рамазан

80 келіге дейін: Тимур Тайбеков

85 келіге дейін: Руслан Ахметов

90 келіге дейін: Еркетан Жаркынбек

90 келіден жоғары: Владислав Саможонов

World Boxing ұйымының аясында өтетін U-19 санатындағы әлем чемпионаты 16–27 қазан аралығында Черногорияның Будва қаласында ұйымдастырылады.

Жерорта теңізі спорт орталығында өтетін байрақты додаға 75-тен астам ұлттық федерацияның атынан 550-ден астам боксшы қатысады деп жоспарланған.

Жасөспірімдер арасындағы әлем чемпионатында ұлдар мен қыздар 10 салмақ дәрежесінде бақ сынайды. Нәтижесінде 20 алтын, 20 күміс және 40 қола медаль жиынтығы сарапқа салынады.