2026 жылғы бокстан әлем кубогының алғашқы кезеңіне Қазақстан құрамасынан 16 боксшы қатысады.

Жарыс 20-26 сәуір аралығында Бразилияның Фос-ду-Игуасу қаласында өтеді. Бұл додаға 50-ден астам елден 400-ге жуық спортшы қатысады деп жоспарланған.

Еліміздің атынан бас бапкер Нұржан Насанов жетекшілік ететін ерлер құрамасынан 9 боксшы және Елдос Сайдалин жаттықтыратын әйелдер құрамасынан 7 боксшы сынға түседі.

Айта кетейік, Бразилия өз тарихында әлем кубогы кезеңін екінші рет қабылдайды. 2025 жылы қазақстандық боксшылар 3 алтын және 3 қола жүлде жеңіп алған болатын. Сол жарыста Нұрсұлтан Алтынбек (55 кг), Дәулет Төлемісов (85 кг) және Жазира Орақбаева (51 кг) чемпион атанды.

Биылғы турнирде ел намысын қорғайтын боксшылар:

Ерлер:

  • 50 кг: Даниял Сәбит (дебют)
  • 55 кг: Бағлан Кенжебек (дебют)
  • 60 кг: Жансері Көшербаев (дебют)
  • 65 кг: Мұхаммедсабыр Базарбайұлы (дебют)
  • 70 кг: Фарух Тоқтасынов (дебют)
  • 75 кг: Санжарәли Бегалиев
  • 80 кг: Диас Молжігітов (әлем кубогының қола жүлдегері)
  • 85 кг: Сұлтан Айбарұлы (әлем кубогының жеңімпазы)
  • 90 кг: Дәулет Төлемісов (әлем кубогының жеңімпазы)

Әйелдер:

  • 51 кг: Алуа Балқыбекова (күміс жүлдегері)
  • 54 кг: Назым Қызайбай (жеңімпаз)
  • 60 кг: Виктория Графеева (жеңімпаз)
  • 65 кг: Аида Әбікеева (қола жүлдегері)
  • 70 кг: Наталья Богданова (жеңімпаз)
  • 80 кг: Жібек Жарасқызы (дебют)
  • +80 кг: Валерия Аксенова (дебют)